Heil og sæl
A-liðið lék sinn síðasta leik í Íslandsmótinu í ár gegn KA. Fyrir leikinn varð það ljóst að við gætum ekki farið í úrslitaleikinn en stefnan var sett á að klára mótið með sæmd og spila vel.
Það gekk heldur betur eftir þrátt fyrir að nokkrir sterkir leikmenn gátu ekki beitt sér í leiknum. Liðið lék frábærlega í dag og vann ansi sannfærandi sigur 8-2 á KA á miðgrasinu við frábærar aðstæður. Liðið endaði því í þriðja/fjórða sæti á Íslandsmótinu í ár og getum við vel við unað. Að sjálfsögðu stefndum við á að fara lengra en við töpuðum aðeins fyrir einu félagsliði í ár en við erum staðráðin í því að breyta því strax á næsta tímabili.
Markaskorarar í dag voru eftirfarandi: Erna Gulltá með þrennu , Mellý Sifurtá með tvö, Hildur María með eitt í samskeytin, Jóna tæklaði einn í netið og Ingibjörg setti eitt eftir horn.
Allur hópurinn ætlar út að borða í kvöld á "Burgerinn" og síðan liggur leið á Vesturbæjarís. Allir eiga að mæta, líka þær sem ekki voru í hóp um helgina. Við pöntuðum fyrir ykkur á Burgerinn í dag klukkan 19:00. Skemmtið ykkur vel og við sjáumst á morgun á efra grasinu 18:00.
Kv. Þórarinn B. og Kári D.
No comments:
Post a Comment